Aistritheoirí á lorg faoi láthair
I láthair na huaire, tá aistritheoirí Gaeilge á lorg in Ard-Stiúrthóireacht an Aistriúcháin i bParlaimint na hEorpa (AS TRAD) i Lucsamburg. Is é an príomhról atá ag aistritheoirí in Ard-Stiúrthóireacht an Aistriúcháin ná aistriúcháin ar ardchaighdeán a chur ar fáil i bParlaimint na hEorpa chomh maith le comhairle a thabhairt faoi chúrsaí teanga.
Tá AS TRAD anois ag féachaint le comhaltaí nua foirne a fhostú ar conradh i Seirbhís Aistriúcháin na Gaeilge. Tá sé de chúram ar dhaoine atá fostaithe ag Seirbhís Aistriúcháin na Gaeilge in AS TRAD gach cineál doiciméid a aistriú go Gaeilge, agus is fearr más féidir leo é sin a dhéanamh ó dhá theanga ar a laghad de chuid theangacha an Aontais Eorpaigh. I measc chúraimí eile an róil sin, tá athcheartú ar aistriúcháin ó na teangacha sin, mar aon le taighde téarmaíochta.
Le tuilleadh eolais a fháil faoi na deiseanna seo, cliceáil anseo.
___________________________
(Gaelchultúr)
________________________
